Rancag

Aduh gusti Anu Maha Suci
Sim abdi rumaos
Pangna abdi dumugi ka késrék
Réh ka sepuh parantos ngusir
Takabur sareng dir
Téga nundung sepuh

Pédah sepuh hina sareng miskin
Sangsara kokoro
Ku sim abdi dihina ditokér
Moal boa manahna ngerik
Lir digerih hinis
Manahna mo lipur

Gaduh maksad rék babalik pikir
Mung anu didongdon
Weléh lapur teu kapendak baé
Sepuh ngiles henteu kasungsi
Leungit tanpa lebih
Abdi bati bingung

Tandak

Aduh gusti Nu Kawasa
Jisim abdi ageung dosa
Pangna abdi gering nangtung
Réh ka sepuh wantun nundung

Pédah sepuh taya harkat
Kokoro sareng masakat
Ku sim abdi teu diaku
Ditokér sarta disatru

Rancag

Waktu barudak keur mijah
Arulin semu barungah
Ger hujan gedé pohara
Barudak breng lalumpatan
Ngiuhan ka balé désa
Ngadago raatna hujan

Amir ngomong ka baturna
Keur tamba kesel nungguan
Ngajakan tatarucingan
Baturna pada mupakat
Amir kapeto tiheula
Tarucing dimimitian

Ngajungkiring awak beurat
Waruga weweg tur kuat
Tapi anéh taya guam
Sanajan mindeng dihiap
Wanda sabar sarta pasrah
(Wanda sabar sarta pasrah)
Sok mindeng témbong di sawah
(Sok mindeng témbong di sawah)

Tandak

Aya barang weweg panjang
Tatapi pondok ngaranna
Nu di mana nya ayana
Sarta keur naon gunana

Di antara batur urang
(Di antara batur urang)
Cing sugan aya terang
(cing sugan aya nu terang)

Rancag

Coba teguh naon nu sukuna tilu
Panon opat heunteu galib
Leumpang rumanggieung laun
Estuning ku matak watir
Dongko bari aha-oho

Hulu nutug buntutna ngacung ka luhur
Buluna carentik-rintit
Matana mangpuluh-puluh
Rasa haseum semu amis
Rajeng narangtung di kebon

Aya sumur di awang-awang ngagantung
Caina hérang tur amis
Eusi daging bodas alus
Nyokotna éstu babari
Boh dicokél boh dikerok

Tandak

Sukuna pakupis tilu
Panonna opat harérang
Leumpangna semu nu lesu
Ngaléngkah teu bisa gancang

Buntutna ngancung ka langit
Buluna carentik-rintik
Matana mangpuluh-puluh
Tangginas anu rék neguh

Sumurna di awang-awang
Caina amis tur hérang
Dagingna bodas ngagenyas
Mesékna kudu dikupas

Rancag

Hayu batur urang diajar sing suhud
Ulah lalawora
Bisi engké henteu naék
Batur seuri urang sumegruk nalangsa

Naon-naon piwarangan bapa guru
Pigawé sing gancang
Omat ulah rék talangké
Piwurukna regepkeun ku saréréa

Kitu deui ka Ibu Guru nya kitu
Teu aya bédana
Tegesna sarua baé
Sabab éta anu ngawulang ka urang

Tandak

Hayu batur urang diajar sing suhud
Ulah lalawora
Bisi engké henteu naék
Batur seuri urang sumegruk nalangsa

Hirup mencil embung ngahiji jeung batur
Éta goréng pisan
Moal aya gotong royong
Mending mana réa batur jeung nyorangan

Hayu batur urang diajar sing suhud
Ulah lalawora
Bisi engké henteu naék
Batur seuri urang sumegruk nalangsa
Jalma anu hirupna teu daék campur
Kanyahona kurang
Da bongan misahkeun manéh
Mun cilaka moal aya nu nulungan

Rancag

Tuh itu beurit lintuh
Mani rendey anakna sapuluh
Arilikan gambarna masing taliti
Anakna kabéh ngariung
Saregep hormat ka kolot

Indungna pok mitutur
Anaking kudu waspada hirup
Lamun manggih hakaneun ngagantung seungit
Omat ulah rék katipu
Sabab enggeus réa conto

Tandak

Indung beurit dikukuntit
Ku anakna nu sapuluh
Indung gerah anak bungah
Sempal guyon jeung ngaguruh
Terus jempé simpé réhé
Kabéh anak ngarariung
Bari sikep sing saregep
Ngabandungan fatwa indung

Indung beurit pok wawangsit
Anaking kudu waspada
Entong poho ku pangolo
Bisa temahna cilaka
Kadaharan jadi eupan
Ngagantung matak kabita
Lamun gawok popolohok
Raga papisah jeung nyawa